Ka sorkar Meghalaya ym ye ko wow khang yei psiah ki Tourist Taxi kiwa na baar ka jylla chapoh Shillong, da ong u Symbood Montri Rangbha uwa pait leh ya ka chnat Transport, u Sniawbhalang Dhar hawa e yei jubab ynne hapoh ka yung dorbar chna aiñ.
Yeini da jubab u yeiwa da kylli lada ka sorkar em ko yei thmu wow wanrah da ka Policy yow khang yei psiah ki Tourist taxi kiwa na kiwi ki jylla wei da ong u leh wym ye wow booh kyndon.
Da ong u wa ki kari kamai kiwa em ya ka Tourist Permit da yoh bor ki wow krehkaam hapoh waroh kawi ka ri India wei ym ye leh wow khang neibhah ka Shillong da pynemkaam yow lai luti cha kiwi ki jylla.
Chooh chooh da ong u leh wym ye u khang ya ki Tourist Taxis neibhah da em ka Para 4 ka Terms and Conditions yong ka All India Tourist Vehicle Permit.
Da khana u leh wa i e Taxi Permit ha Shillong dang pynsangeh chwa yow ye pynbait pynryntih yei kaam.
Heiyatoh won wa ki STPS Bus kiwa da ieh khlem da pynemkaam ha kiwa boon ki thaw, u Montri da pyntip wa kini ki Bus toh ki wym hoi de u pynemkaam.
Yeini da jubab yeiwa da kylli da u MLA ka VPP na North Shillong, u Adelbert Nongrum.
Discussion about this post