Ynne ka sngi u Symbood Montri Rangbah ka jylla, u Prestone Tynsong hawa yaklam wa kiwa pathai khubor ha Jowai heiyatoh wa i oor u sarok wa i jia wa khlaad noh yong u Dr. Sanjoy Shylla, neiliang u Prestone da ong u wa da tip u yeini iwa jia ynnin ka sngi tangwa da ong u wow pynbaad du ya ka sorkar lane ka PWD yei tyrrah kari toh iwa bakla neibhah i ya tyrrah kari namo ki Accident da jia ki lada sih næ bha ki sarok, da ong u wa da phah ka sorkar ya ka khubor sñiawlem cha ka yung ka sem wei heiyatoh wa i sih u sarok da pyntip u wa da kheiñsap yeiwa sih u sarok khnang wow paan poisa na ka sorkar pyrdi.
Heiyatoh wa ki dak ki chin namo ki Road Signage ha ki bynta ki sarok yow tip kiwa lai wa wan yei rukom man u sarok, neiliang u Prestone da ong u wa kani ka hukum da wan ko ym du na ka sorkar tangwa na ka Supreme Court wei da leh yeiwa emkaam.
Hajrong u sarokbah nadooh na Soomer hadooh ha Puriang uwa da sihdur neibhah wa em boon kiwa na kiwi ki jylla kiwa lai luti na oo, neiliang u MLA ka Jowai da pynbna u wa da yoh ya ka song poisa wa T. 14 klur wow chna na Soomer cha Thadlaskein.
Nadooh ha Mawryngkneng won u pyndap chwa ya ki thlu (Repair) heiwa T. 5 klur tam da su da ka sorkar jylla tangwa heiyatoh won wei wow chna paka ya u sarok waroh da pynkhreh ya ka DPR kawa T. 100 klur tam ya kawa da phah cha Delhi cha ka MoRTH wei katni dang yang sa i jubab na ka, da pyntip u Prestone.
