Kam chibynta wow pynman ya ka Election MLA 2023 kawa khooid, neiliang u District Election Officer wa man leh kam u Chairman ka Media Certification and Monitoring Committee (MCMC) ka West Jaiñtia Hills District da pynmih u yei sneiñ kamjooh ki kyndon deiwa khut yei ya krehlang yong waroh ki seiñ saiñhima namo ki Political Party ka District wow bood ki ya ki kyndon wa da pynmih da ka Election Commission of India.
Deiwa bood leh ya ka Model Code of Conduct, u DEO kamjooh u Chairman MCMC da pyntip u wa ym chah wow pynmih ya kiwon kiwon ki Advertisement, ki Appeal, ki rwai, ki sur, ki klam, ki lama, ki Signboard, ki Flex, ki Poster, ki Banner wa kiwi de ki jait pynbna paidbah deiwa saam, deiwa chon, deiwa pynmih khubor ha waroh ki rynsan pynmih khubor wa kiwi de kiwa man kam kini ki jait kiwa yatoh wa ka Election MLA 2023 khlem da yoh ya ka Certification na ka Media Certification and Monitoring Committee ka yung krehkaam u District Election Officer, West Jaiñtia Hills District, Jowai.
Neibynta won ki yung krehkaam wa pynmih khubor (Print, Electronic, Television, Radio wa kiwi) da sneiñ ya ki wym toh u pynmih ya ki khubor lane kiwon kiwon ki jait wa ye u pynjop ya uwon uwon u kyrtong lane ka Party deiwa toh tyngkheiñ khlem da poi pyrkhat ya ka Model Code of Conduct hapoh ka District ka West Jaiñtia Hills.
