Ym ye u pynsangeh ya ka Public Hearing ka Meghatop Cement, ong u Member Secretary ka MSPCB

U Member Secretary ka Meghalaya State Pollution Control Board (MSPCB), u Dr. G.H. Chyrmang da ong u wa ym ye wow pynsangeh yei pynsñiaw paidbah (Public Hearing) yong ka karkhana pynmih khyndaw-bilat lada ym em kawon kawon ka hukum na ka Kasari.

Ynne ka sngi, kiwa yahkhmat ka FKJGP, East Jaiñtia Hills Unit da lai yachem ki yow kyntu ya ka MSPCB wym toh u pynman ya ka Public Hearing yong kani ka karkhana wa dang mut wow seiñ thymme kawa tip kam ka Meghatop Cement kawa da booh wow pynman ha kani ka 18 tarik kawa em ha chnong Wahiajer, East Jaiñtia Hills.

Hawa yaklam wa u heh ka MSPCB, da ong wa du lada yoh ya ka hukum na Kasari wei lada em i jia wa pynyoo bor ka rymaw wa ye u pynsangeh ya ka Public Hearing.

U Dr. Chyrmang da ong wa ka Meghatop da yoh ko ya ka Environmental Clearance iwa da leh ki deiwa lai lyngba ka Ministry of Environment and Forest ka sorkar pyrdi, wei katkam ki kyndon da yoh bor ki wei chong ha ka State Pollution Control Board wow pynlai ya ka Public Hearing deiwa ya krehlang wa ka yung krehkaam u Deputy Commissioner.

Related posts

Da chem ya i metyap u manpa na Cham Cham wa ngam-um ha Wah Umthe

June 7, 2025

Hap hiar syndet ka Helicopter ha sarok, chah ban ka kari wei chah ktah i dukan

June 7, 2025

Da ong won u wa du da ka Public Hearing ym pu ye wow e ya ka CTE (Consent to Establish) yow sdang chna næ ka CTO (Consent to Operate) yow sdang krehkaam wei ka Board ym embynta ko wow pynksan rai iyi iyi neibhah ya ka Public Hearing hap wow bood thij pa thij deiwa em i thoh i tar wa i riñdur yeiwa klam yow phah won cha ka Ministry.