Ym ye wow kyntait ya ki karkhana kiwa lai katkam ka aiñ: James Sangma

U Montri wa pait ya i khloo i kjam wa ka rymaw hapoh ka jylla, u James Sangma hawa yaklam wa kiwa thoh khubor ynne ka sngi ha Shangpung hajrong i mih roi ki karkhana Coke ha East Jaiñtia khamtam ha Elaka Sutnga, da ong u wa kiwa da seiñ katkam ka aiñ ym ye wow khang ya ki.

Da ong u wa hap wow pyrkhat ha waroh ki liang nadooh i yoh khih yoh kreh ki bru kamjooh i chah ktah ka rymaw deiwa pyntip wa da em 31 tylli kiwa da yoh bor lyngba ka chnat Single Window Agency ka chnat karkhana ka jylla kiwa da lai cha ka State Pollution Control Board yow paan bor u chna ya kini ki karkhana namo yow yoh ya ka Consent To Establish (CTE).

Da kdaw u wa hawa e ya ka CTE da booh ya ki kyndon wa che bha wa hap u bood kiwa da pynkrehkaam nadooh u snem 2020 heiwa chwa ini ym em kyndon wei khlem kini ki kyndon i chah ktah ka rymaw da man i iwa joor bha.

Kamtæ kiwon kiwon kiwa yaleh ya ka CTE hap ki wow bood ya ki kyndon wei kiwon kiwon ki ye u bood ya kini ki kyndon, kam ka sorkar ym ye ko wow kyntait.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo wa i rukom e Consent To Establish (CTE) wa Consent To Operate (CTO) toh katkam ka EIA Notification 2006, heiwa ki karkhana Coke kiwa em hapoh ka ‘Category A’ kiwa ye u pynmih 2.50 lak Metric Ton chi snem wa chaneiñ, emkaam ki ya ka Environmental Clearance na ka Ministry of Environment Forest & Climate Change katwa kiwa em hapoh ka ‘Category B’ kiwa ye u pynmih 25,000 hadooh 2.50 lak Metric Ton chi snem, emkaam ki ya ka Environmental Clearance naka chnat State Environment Impact Assessment Authority (SEIAA) katwa ki karkhna Coke kiwa pynmih hapoh 25,000 Metric Ton ym em haap ki hapoh ka EIA Notification.

Neidaw won wa em ki karkhana i rukom pynmih ki duna i ya iwa da kdaw ka EIA Notification 2006 tangwa emkaam hi ki wow yoh ya ka CTE wa CTO na ka State Pollution Control Board, kamtæ ka Board da pynmih kyndon ko ha ka 03-12-20 yow pyntikna wym ktah ya ka la-ær wa em hajan ki karkhana.

Kini ki kyndon toh wa ki karkhana Coke toh u jngai ki 1 Km na ki thaw wa em ki chnong bru, 500 Meter na ki sarok PWD wa 100 Meter na ki wah wa ki nan. Wei manda emlang ki karkhana, da kheiñ ya ki kam ki Cluster manda em ki 2 lane palat ar tylli deiwa yajngai 1 Km kawi na kawi wei lada toh ka karkhana wa yieñ samen toh u em 100 Meter kawa tip kam ka Green Belt (ka thaw wa yirngam) wa 300 Meter lada toh wa em ki karkhana wa yieñ lang namo ki Cluster.