Hawa klam hapoh ka Lok Sabha ynne hajrong ka phang Ram Temple, u Union Home Minister, u Amit Shah da ong u wym ye u mutdur yaka Bharat khlem u Blai Ram wei kitu ki wym ye u mutdur yeini ym tip ki chaphang ka Bharat.
Hawa klam yei pynkyntang yaka Ram Mandir ha Ayodhya haka 22 tarik u bnai nyngkong, da ong u wa kani ka sngi toh ka wow sah kynmoo hei parom ka ri ha ki snem wow wan wei da man ko leh ka sngi wa pynhun ya waroh iwa angnood kiwa bood ya u Ram.
Da ong u leh wa kitu kiwa mutdur yaka ri khlem u Blai Ram ym tip ki chaphang ka ri wei da man ki kam kitu kiwa dang em heipor wa chah synchaar ha ki pharæng.
Chooh chooh u Amit da ong u wa i dawa kiwa ngait ha u Ram ym jooh em wa ap ki, tangwa nadooh wa man u Narendra Modi kam u Prime Minister, da chim u ki laad ki luti yow pynchna yaka Ram Mandir.
“Ym em uwi leh wow ye u puræ yei parom ka ri khlem da tip yei yakhih wow yoh yaka Ram Mandir. Nadooh u snem 1528, kawi pa kawi ka juk wa wan da yoo ki yeini na iwi cha iwi i rukom. Wei ini i kaam da sahkut i da slem bha. Ini i angnood da ye wow pynhun ki heipor ka sorkar u Modi,” da ong u.
Da ong u leh wa em boon ki ri ka pyrthai kam ka Nepal wa Indonesia kiwa pdiang yaka Ramayan kam ka rukom sikai yow im.
Discussion about this post