U Montri Rangbah ka jylla, u Conrad K Sangma da pyntikna u wa da em ki Report wa ye u em wa da sdang biang ki seiñ kieñ suloi wow pynlang paaid ha Meghalaya ha ki thaaiñ khappood khamtam nei long i man ha Bangladesh. Tangwa da ong u wa ymtoh wow jhan u ong deiwa tikna neibhah i takit bniah yeini dang pteiñ i wei kat wym pu ye u ong u pynsakhiat ym ye wow ong deiwa tikna.
U Conrad da pynkynmoo u wa iwa man ha Bangladesh kattæ ymtoh i jooh kamwa man ynnin u snem wei ki kaam ha khappood leh da kylla ki.
Da ong u leh wa nachwa da em kam kini ki jait ki Report tangwa hadien won da chem toh wa leh da ki damok (Gang) kiwa thmu wow leh ki kaam lute wei ini ymtoh iwa thymme manda jia kamni, kamtæ ym nood wow ong 100% wa ini toh i pynlang paaid da ki seiñ kieñ suloi.
Chooh chooh da ong u wa ka Director General of Police leh da ong ko yeini i jooh wa da em donhi ki Report tangwa ym pu ye wow ong deiwa tikna wei ya kawi pa kawi ka Report hap wow puræ bniah ka.
Hanla kattæ leh da ong wa ym ye wow kheiñstiñ yei long i man ha Bangladesh wei hap wow paitbniah yeini.
Puræ leh: Em hi i sdang pynpsiah dkhot thymme ki seiñ kieñ suloi ha Meghalaya
Discussion about this post