U Principal Secretary ka jylla wa pait ya ka chnat i chait i khiah, u Sampath Kumar da ong u wa katkam i rai ka sorkar pyrdi, i e tika COVID-19 u sdang e noh leh ya kiwa da em palat 18 snem i rta nadooh ka 1 Naisan, katwa kamtæ da sdang ya ka Online Registration nadooh ka 28 tarik ha ka www.cowin.gov.in.
Ka sorkar jylla da phah ko ya ki dawai na ka Serum Institute of India, Pune wei dang yang wow yoh ya kini ki dawai kamwa man kiwi ki jylla, katwa kamtæ i e dawai ym ye i wow sdang hiwot ha ka 1 Naisan wei daw pyntip won deiwi.
Ka Online Registration u man i iwa lai bait wei da pynchlur ya kiwa 18-44 snem wow Register ki.
Heijooh i por da pyntip u wa ym chah wow pynpsiah pyrtuid (On Spot Registration) ha i thaw e dawai ya kiwa 18-44 snem.
Chooh chooh da pyntip u wa kiwa kreh ha i chait i khiah wa kiwa kreh haphrang (Frontline Workers) kiwa da sdang chim dawai wa kiwa da palat 45 snem u pteiñ i kamwa jooh hi ha ki thaw wa da booh.
