Ka seiñ East Jaiñtia National Council (EJNC) da pynsñiaw ko yei sñiawsih wa khroo hawa yatoh wa i pynpna yong u Montri ka chnat Sports & Youth Affairs, u Banteidor Lyngdoh ya ki District wa ki chnong kiwa yoh ya ki Artificial Turf wa Synthetic Track lyngba ka Scheme ‘Khelo India’.
Ka seiñ da pynsñiaw ko ye sñiawkmen wa u Montri da wanrah u ya kani ka Scheme hapoh ka jylla kawa man i myntoi neibynta ki bru Sport tangwa da sñiawsih won wym yoh bhah ka East Jaiñtia Hills District ya ki Artificial Turf wa Synthetic Track naka Khelo India Scheme.
Kamtæ ka seiñ da kyntu ko ya u Montri wow kyruiñ lang cha ka East Jaiñtia Hills District yow yoh ko ya ki Artificial Turf wa Synthetic Track yaka Stadium wa em ha chnong Deiñshynrum wei wow chna pynbha leh sa kawi ka Stadium ka wow em hapoh ka District.
Ka seiñ da ong ko leh wa ka East Jaiñtia toh kawi naki District wa em chiboon kiwa yalehke kiwa em i sap wow yaleh Sport kamtæ ka District da emkaam sakhiat ko ya ki Artificial Turf wa Synthetic Track.
