Ki lama rong suiñ bneiñ ka Khasi Students’ Union (KSU) da kaweh ki ha ka sngi Kyrsu Ri namo ka Khasi National Awakening Day, kawa haap ynne ka 4 tarik heiwa ka seiñ da wah ko leh da ki Banner wow kdaw ya ki mat dawa ka seiñ hadooh katni.
Ha kani ka sngi hanla ym yoh bor wow pynman ya i lehwarom wa heh, tangwa ki lama ka seiñ kamjooh ki mat dawa da kaweh ki ha i thaw pynman yalang ha ka madan yalehke Basketball, ka Maitshaphrang Khasi League wa da pynman da ka KSU Mawlai Circle kawa em ha Mawlai Nongpdeng.
U General Secretary ka KSU- CEC, u Donald V Thabah da ong u wa ka lehwarom ya ka sngi Kyrsu Ri ymtoh du ka sngi wow pynkhyrngiat thiah ya ka jaitbru wei lyngba kani ka sngi toh wow pynlang yutip ya ka parom yong ka jaitbru, nadooh ki por wa yaleh pyrchah yaka sorkar Bilat.
Neibynta kani ka sngi ka KSU da pynkhreh ko yaka lehwarom ha Khliehriat, East Jaiñtia Hills District, tangwa neidaw wym yohbor na ki bor District da pynsangeh noh ya ka.
U Donald da ong u wa ini i wym yoh wow lehwarom ya kani ka sngi ym man i kamwa thæh um dait ya ka seiñ, wei ha ki sngi wow wan i lehkmen ya kani ka sngi daw man ko kawa heh.
U heh ka KSU da ong u wa neidaw wa da em i yaklam, ka KSU da ky’i ko wei ym lai ko chaphrang wa i lehwarom ynne ka sngi.
Discussion about this post