U Deputy Commissioner, East Jaiñtia Hills District da pyntip u wa ka chnat Health and Family Welfare Department da yoh yutip ko wa em ki bru kiwa kam wa ki thaw sumaar da pynheh ki ya i em boon ngut kiwa yoh COVID- 19 khnang wow yoh myntoi ki ha i liang ka poisa poilaiñ, neiliang u DC da ong u wa ini i kam man i iwa bakla.
Chooh chooh da ong u wa toh i kaamram ka sorkar wow pynsakhiat ya i yoh COVID-19 khnang wow ye u khang nei poor uni u khñiang wei ka jylla man ko kawi na ki jylla kawa em duna dooh kiwa yoh ya uni u khñiang.
Da ong u leh wa toh i kaamram wow leh ya ki Test neibynta kiwa tlot (Vulnerable) kiwa ye u chah ktah ha u COVID-19 kiwa wan cha ki thaw sumaar wei em palat 90% kiwa yoh COVID-19 da sumaar ya ki ha ki thaw sorkar.
Kamtæ i kam wei pynbaad wa ki thaw sumaar namo Hospital wa ki Healthcare Centre yoh yarap poisa ki deiwa pynbna wa yoh COVID-19 u/ka bru man i iwa bakla, neiliang u DC da kyntu u leh ya ki paidbah wow yait wei wow dam u pynpoor ya kam kini ki kyntien hamsaya.
