U National General Secretary ka National People’s Party (NPP), u Sniawbhalang Dhar da ong u wym yoo u iyi iyi deiwa em ka Voice of the People Party (VPP) wa daw man ko iwa eh ha ka Election MDC kawa daw man ha ki ar tylli ki Autonomous District Council kitæ ka KHADC wa JHADC.
Da ong u wa waroh ki seiñ saiñpyrthai daw yakhun ki ha ka Election wei ka NPP leh daw yakhun ko deiwa eh ha ka Election pyrchah ya kawon kawon ka seiñ saiñpyrthai.
Da ong u wa kamwa man kattæ ym ye wow batai chwa, tangwa hap wow pait chwa ya ki Party kammon sai kyrtong ki wei heiwon pynyieñ kyrtong ki wei da kiwa kammon.
U Sniawbhalang da ong u wa ka NPP da pynkhreh bha ko neibynta ka Election MDC lada man ko ha iwon iwon i por leh, wei da pynrap u wa ka Party daw pait wei daw sai kyrtong ko ha waroh 29 tylli ki Constituency ha KHADC wa JHADC.
Kam wow pynkynmoo wa ka samoi krehkaam yong ki MDC ha KHADC wa JHADC dadep kut ko ha u Wisu (Mar) uni u snem wei da pynyinsur yei por man MDC ar sien chisien 6 bnai wei sa 6 bnai biang hei sien wa ar heiwa ha kini ki por da em leh ka phiah ya ki Constituency.
Discussion about this post