U Chief Executive Member ka Khasi Hills Autonomous District Council (KHADC), u Titosstarwell Chyne da pynsñiaw u yei khyrngiat hawa yoo ha ki khubor wa u Montri wa pait ya ka chnat Transport da ong u wa hapoh ka Yung Dorbar wa ka KHADC da dep e ko ya ka No Objection Certificate (NOC) neibynta wow chna ya ka luti rel na Tetelia, Assam cha Byrnihat.
Da ong u wa neliang ka Council hapoh i yahkhmat u ympu em u e ya kawon katwon ka NOC heiyatoh wa ka luti rel.
Chooh chooh da ong u wa ka KHADC kat wympu yoh mynjur ko na ki khlieh synchaar wa ki paidbah ym e ko ya ka NOC.
U CEM da pyntip u wa ka KHADC da yoh chithi ko nyngkong na ka sorkar heiyatoh wa i paan thaw ha u snem 2016, wei hadooh katni ympu em u e ko ya i thaw iwa pynman biang ya ka sorkar wow thoh biang ha u snem 2017, wei da pynbood hadooh 39 tylli ki chithi pynkynmoo.
