Jowai: Ka yungbichaar wa ha khlieh dooh ka ri ka Supreme Court ynne ka sngi da chong bichaar biang ko ya ka mukotduma heiyatoh wa i chah khang tih mooyong hapoh ka jylla heiwa da kyntait ko u ap ya ka mukotduma wa da e da ka sorkar jylla wa kiwi ki bru samen wei da phah thap lang ya ki hapoh ka mukotduma u Lber Laloo ka wow chong bichaar biang ha kani ka 12 tarik.
Ka sorkar Meghalaya da leh ko da ka Civil Appeal pyrchah ya ka hukum wa pynmih ka NGT ha ka 31-08-18 heiwa pteiñ ko u khang yei tih mooyong hapoh ka jylla.
Neidaw wa da boon kiwa yaleh mukotduma heiyatoh wa kani ka jooh ka kaam, ka Supreme Court da chim ko ya ka rai wow thap ya waroh kiwa rim wa kiwa thymme hapoh ka mukotduma u Lber Laloo.
Ynne ka sngi ka Supreme Court ym em pynmih hukum thymme ko heiyatoh wa u mooyong wa da dep tih wa yei kit ya u mooyong wa da dep tih.
Kam wow pynkynmoo wa ka NGT da dep pynkut ko ya ka mukotduma yong ka wei da e ko ha ka Supreme Court wow chim ya ka rai wa khaddooh.
Discussion about this post