Jowai: I thmu wow pynman ya i pynsñiaw paidbah ka karkhana Star Cement ha Brishyrnot, East Jaiñtia Hills ynne ka sngi hadooh wa pynmih ya kani ka wyrta ympu ye u pynman ya ka neidaw wa dang joor i pyrchah yeini i thmu da ki seiñbhalang wa ki paidbah.
Kani ka pynsñiaw paidbah toh hajrong i thmu kani ka karkhana wow tih ya ka paar moochuni ha Brichyrnot kawa heh kamwa 42.051 Hectare.
Kam wow pynkynmoo heini ya kani ka pynsñiaw paidbah da haap pyndam da ki bor district ha ka 19 Naichiphaw 2019 neidaw wa pyrchah ki seiñbhalang wa ki paidbah wa ki dorbar chnong ka thaaiñ.
Ki seiñbhalang wa pyrchah ya kani ka pynsñiaw ha kani ka kynti kynthup ki ya ka JSU, KSU, STIEH, JSM wa ki kattu katni ki seinbhalang kamjooh ki bru samen.
Ynne, i pyrchah yaka Public Hearing toh ha i thaw wa da booh yaka rynsan wow pynsñiaw kiwa kyrchaan wa kiwa pyrchah heiwa ki seiñbhalang da kbai da kyrkha ki yow pynsñiaw yei pyrchah wei hajrong rynsan leh mih i huri hura heiwa da wan ki pulit wow pyn jai jai.
Kam wow pynkynmoo wa ynnin u snem won da khang yaka sarok wow lai cha ka thaw pynman Public Hearing wei ym yoh hi tang wow pynman yaka Public Hearing.
Discussion about this post