Ki MLA ka Voice of the People Party (VPP) ympu pyntip ki cha ka yung krehkaam u Lamphang ka Yung Dorbar Chna Aiñ yong ka jylla lada u em ki cha ka Liang Pyrchah næ cha kawon kawon ka liang.
Katkam wa pyntip u Lamphang ka Yung Dorbar, u Thomas A. Sangma hadooh ynne du ka seiñ Indian National Congress wa ka Trinamool Congress kiwa em mar 5 ngut ki MLA kiwa da phah chithi wa u em ki ha ka Liang Pyrchah, katwa ka VPP kawa em 4 ngut ki MLA ympu pyntip ko cha kawon ka liang u em ki MLA yong ka.
Heiyatoh wa u wow yahkhmat ka Liang Pyrchah, u Lamphang da ong u wa dang pait bniah chwa ki yei yi u e wow man kam uwa yahkhmat ka Liang Pyrchah neibhah kamwa man kattæ ka TMC waka Congress da pynsñiaw ki wow man kam kiwa yahkhmat ka liang pyrchah.
