Jowai: Ka sorkar pyrdi da ong ko wa da em kiwa sñiawthooh bakla wa deiwa pynkrehkaam ya ka GST daw ku i bai puræ puthi. Da pynche ko deiwa ong wa hapoh ka GST ka dan heiyatoh wa ki muna skur wa kiwi ki tiar wa pynemkaam ki khynnah skur da pynhiar ya ki katwa ya kiwi ki kaam (service) wa e kiwa kreh ha ki thaw puræ da lait ki na ka dan.
Kani u krehkaam ko ha waroh ki skur hadooh kyrdan Higher Secondary iwa kynthup nadooh ka bai li thooh li booh, i e baam, i booh Canteen wa kynthup ya ka Mid-day Meal wa kiwi ki scheme wa yoh na ka sorkar jylla kamjooh ka sorkar pyrdi.
Ka bai pyllut yow pynmiat pynkhooid ya ka thaw puræ, ka bai exam, bai admission ymtoh dan ki hapoh ka GST.
Ki thaw puræ kiwa yarap u esikai ya ki khynnah wa dooh wa duk, kiwa duna hei doh i pran yong ki, ki koidi, kiwa da heh rta (65 snem cha neiñ) waroh ym toh dan ki hapoh ka GST.
Discussion about this post