U President ka Khasi Students’ Union (KSU), u Lambokstarwell Marngar da ong u wa lada pynkrehkaam ya ka Roster System, ymtoh u kheiñ nadooh u snem 1972, tangwa toh u sdang pynkrehkaam neini chakhmat.
Da ong u wa ini ymtoh iwa dang thymme ya ka KSU neibhah nadooh u snem 2001-02 ka seiñ da rah ko ya kani ka phang hanla ini i kaam em ko chiboon i kynjnit kynjnat.
Da ong u wa kamwa man katni, da yoo che wa ka sorkar ympu ye ko wow rai nadooh uwon u snem u sdang pynkrehkaam ya ka Roster, tangwa da pynrap u wa KSU ym kwah ko wa ka sorkar daw pynkrehkaam ko deiwa kheiñ nadooh u snem 1972 neibhah ini daw ktah ko ya ki khynroo khyllood kiwa na Khasi-Jaiñtia kiwa dang yaleh kreh.
Da ong u wa ka KSU waroh chi kattu ym em suki hi-eh ko ya kani ka phang, tangwa da ya syllok ko wa ki bru chemphang yow leh ya iwa bha tam, deiwa pynsñiaw wa ini ymtoh i kaam yong samen wow chim yei rai khlem da pait bha neibhah ini toh i kaam yap kaam im yong ka jaitbru.
