Khliehriat: Ka seiñ Hynniewtrep Youth Council-East Jaiñtia Hills Circle (HYC-EJHC) lyngba ka wyrta khubor na u Vice President ka seiñ, u Michal Chyrmang, ka seiñ da kyntu ko ya ki seiñ kamai kari wymtoh u pynku ya ka bai kari tangwa toh u dawa wow pynhiar ya i dor i phniang Petrol wa Diesel wa kiwi ki dan kiwa yatoh wa ki kari kamai.
Ka seiñ da ong ko wa ym toh wow pyrkhat du chiliang donhi tang wow pyrkhat neibynta ka imlang sahlang ha waroh ki liang khnang wa i dawa u myntoi i ya kiwi leh.
Ka seiñ da wyrai ko leh ya ki paidbah neibhah wa lada pynku ya ka bai kari daw ktah i ya kiwa dooh wei emkaam leh u pyrkhat ya kiwa kreh sorkar wa ki khynnah skur wa kiwa khih mylla.
Da sñiawkhia ko leh wa chah pynbor ki paidbah dei langær wow mih cha sarok wow dawa yeiwa emkaam ya ki hok yong ki na ka sorkar MDA hapoh i yahkhmat u Conrad K Sangma kam u montri rangbah wa neiyi i daw wym jooh ap ko ya ki paidbah.
Ka seiñ da kyntu ko ya ka sorkar wow pynhiar ya i dor i phniang kari neibynta i bha i miat yong waroh lang.
