Jowai: Ha ka yalang wa pynhiar pyrda ya ka Leadership Training ya ki khynroo khyllood ha chnong Moosakhia, u kongsan u Moonlight Pariat, MDC, da kyntu u ya ki khynroo khyllood wym hoi u dooh mynsien ki neibhah ha ka juk wa katni ki kaam ki jaam toh kiwa haap chna ki pynda i ya i hi.
U kongsan da ong u wa katni boon ki khynnah toh wa da biang ki kyrdan puræ puthi tangwa boon toh ki wym yoh kreh. Kamtæ ye ki u chimkti ya ki kaam rep yong ki bei ki pa yong ki neibhah ye ki u pynemkaam yei stat yong ki yow pynkylla yei rukom rep hadooh i rukom dai ya ki mar deiwa chna pynthymme ya ki heiwa lada dai umngap emkaam u em i pyrtuid i umngap (Brand name) kamjooh i song wa pliah (Value Addition).
Sanphawngut ki chynrang wa kynthai na ki chnong waphær waphær ka West Jaiñtia Hills District da wan chimbynta ki ha kani ka Youth Leadership Training and Community Development Program kawa da pynman da ka Society of Urban and Rural Empowerment (SURE) ha ka chnong Moosakhia nadooh ka 23 tarik hadooh ka 27 tarik uni u bnai.
Ha kini ki 5 sngi kiwa e sikai kynthup ki ya u Risa Pakshang, Barly Suting, u Biraj Chakraborty na ka Nehru Yuva Kendra Sangathan, D.M. Wallang wei ha ka 26 tarik leh da lehkmen leh ya ka Republic Day ha Moosakhia wei da pyman leh ya ka lai kjat cha ki thaw wa cha jan kani ka chnong.
Discussion about this post