Shillong: U Symbood Montri Rangbah ka jylla, u Prestone Tynsong da ong u wa ymtoh wow sñiawthooh bakla yei klam u Montri Rangbah ka jylla, u Conrad K Sangma dang ini wa dep hajrong ka Inner Line Permit (ILP).
U Prestone da ong u wa i yumut u Conrad ym mut i wa ka sorkar kyntait ko ya ka ILP, tangwow wanrah ya ki laad wa sariem wa ka ILP wow kdoh u khoom yei wan psiah ki bru na baar wei ka sorkar u chim ko ya ka rai wa bha tam.
Hajrong i dawa u MLA ka Congress, u PT Sawkmie wow khut da ka dorbar kyrpang hajrong kani ka bynta, neiliang u Prestone da ong u wa ym emkaam wow khut ya ka dorbar wa kyrpang neibhah wa em ki laad ki luti wow thap ya ki kyndon ka ILP ha ka Meghalaya Residents Safety & Security Act, 2016 kamwa da kular cha ki seiñbhalang.
U Prestone da ong u wa ka sorkar daw chong yalang noh ko hajrong kani ka kaam deiwa pynrap wa i pynkhreh wow pynkylla ya ka MRSSA, 2016 da lai ko chakhmat wei ka sorkar da chimkhia ko yeini khnang wym ktah ko yei chongsuk wa i wan ki bru wa na baar ym ktah ko ya ki paidbah ka jylla wei ya ki pateiñ wow wan.
Discussion about this post