Ynne ka sngi 75 snem nachwa ha ka 6 Naisaphra 1945, ha ki snem chwa wow kut ka yaleh ya ka Thma Bah Wa-ar (World War II), ka ri America da tympdung ko ya u Atom Bomb ha sorbah Hiroshima, Japan
Ha kani ka sngi ka lieñsuiñ B-29 yong ka America wa da e pyrtuid Enola Gay da noh ko ya u Atom Bomb uwa da tip kam u Little Boy ha Hiroshima.
Da antaad wa ha ini i noh Bomb ka America da em hadooh 1 lak tam ki bru wa yap na oo wei da em leh da ki hjar ngut kiwa yap nei chah ktah ka Radiation.
Hadien wa noh ya u Atom Bomb ha Hiroshima, da noh sa ya uwi won ha Nagasaki ha ka 9 Naisaphra 1945 wei da ini da pynbor chooh chooh i ya ka Japan wow pyndem noh ko ha kani ka thma.
Hadien kani ka sngi, ka Japan da pyndem noh ko ha ka 15 Naisaphra wei da soi won ya ka soskular pyndem ‘Instrument of Surrender’ ha ka 2 Naikhynde 1945 ha Tokyo Bay, kawa da pynkut noh ya kani ka Thma Bah Wa-ar.
