Jowai : Ynne i step heipor 3:30 ka wi ka truck kit phniang Diesel wa em ya u number MN 05 2070 ka wa yah da u Md. Nur Khan (56 snem i rta) da noh ko cha rood sarok ha Riaturiem.
Katkam ka yutip da ong wa uwa yah kari, da pynyieñ u ya ka truck ha rood sarak yow lai mihlait u tangwa ka truck sdang ko u kai wei da noh ko de khmut cha rood sarok.
Heini i jia ym em wa mynsoo wei ya ka kani ka truck da pyrchang u taan ya ka da ki truck khwe wa em cheini tangwa ym ye ki u taan ka wei da phah da ki truck khwe wa khlan bor na Guwahati ki wow wan taan ya kani ka truck.
Ki piadbah won da mih ki deilang wa ki borti yong ki yow diang ya i Diesel wa lait na ka truck nadooh i step hadooh i janmiet.
Embhah wa ynne ka sngi ym em pdung kani ka truck kam iwa jia ha Mookhep.
Discussion about this post