Ka Council For The Indian School Certificate Examination (CISCE), New Delhi ynnin i janmiet ka 18 tarik da pynbna ko ya ka Result yong ka Exam Class X namo ka Indian Certificate of Secondary Education (ICSE) 2022.
Ha kani ka Exam ka skur Jowai Public School da leh bha ko heiwa waroh ki 32 ngut ki khynnah da yoh First Division ki.
U khynnah wa yoh heh percentage dooh ha ka skur toh u Russel P Siangshai, u khon ka Veronica Siangshai wa u Pynshngain Passah.
U Russel da yoh u 96% wei da yoh u 100 na ka 100 ha ka Chemistry.
Da em leh chiboon kiwi ki khynnah kiwa da yoh ya ka Distinction ha ki Subject waphær waphær heiwa ka Niki Arrisa Shylla ka khon ka Patricia Shylla wa u Ebenezer War da yoh ko 93% bood won sa u Mantikorti Mylliem u khon ka Perfect Mylliem wa u Alphaios Lapasam da yoh u 89.2%.
