Ka St. Peter’s Secondary School, Iongkaluh Alumni Association da pynsñiaw ko yei kmen wei e khublei ya u Haphidawadbha Phawa u khynnah skur ka St. Peter’s Secondary School, Iongkaluh uwa da yoh ya ka kyrdan 20th Position ha ka SSLC Examination 2025 wa pynman da ka Meghalaya Board of School Education (MBOSE).
U Haphidawadbha toh u khon ka Rolina Phawa wei da yoh Distinction u ha ki 6 tylli ki Subject deiwa yoh waroh 555 Marks wei ini da man ko i sarong ya kiwa chong chnong ka thaaiñ Iongkaluh kamjooh ka East Jaiñtia Hills District waroh kawi wei ini pynyoo ko yei kreh chitom u wei i yarap kiwa sikai wow booh ya ka yurim wa skem kamjooh kiwa ha-yung ha-sem u deilang ka skur waroh kawi.
Neliang ka Alumni da ong ko wa kani toh ka wow sahkynmoo wei u moomær wa khroo ya kani ka skur wei u Haphidawadbha daw man u kam uwa e mynsien wei ka nongmuna wa miat wa bha ya kiwi wow bood ki khamtam ya kiwa lai skur ha ka St. Peter’s Secondary School, Iongkaluh.
Kamtæ da e khublei ya u Haphidawadbha Phawa yow yoh u ya ka mynried kawa tyrchaaiñ wei wow poi u leh cha kiwi ki moomær wa khroo.
Ka khubor na ka St. Peter’s Secondary School, Iongkaluh Alumni Association.
Discussion about this post