Ka Directorate of Accounts of Treasuries, Meghalaya kawa em hapoh ka Finance Department ka sorkar Meghalaya deiwa ya krehlang waka National Informatics Centre, Shillong da jop ki ya ka khusnaam deiwa yoh Award naka Council for Social & Digital Development waka Digital Empowerment Foundation yei chna ki yaka Pensioners Life Certificate Verification Mobile Application.
Kani ka Award wa da yoh ki toh kawa tip kam ka Best Digital Innovation in Sustainable Health Development kawa haap hapoh ka kyrdan Government & Citizen Engagement kawa man leh kam chibynta ka 8th eNortheast Awards 2023 kawa da pynman ha Royal Global University, Guwahati haka 24 tarik u bnai wa dep.
U B.L. Nonglait, MFS, Director of Accounts and Treasuries, Meghalaya deilang wa kiwa mihkhmat ka NIC, Shillong da lai pdiang ki ya kani ka Award na u Osama Manzar, Convener ka eNorth East 2023 kakmjooh u Founder & Director ka Digital Empowerment Foundation (DEF).
Ka Finance Department ka Meghalaya haka 15-07-21 da pynmih ko yaka Office Memorandum yow pynkrehkaam ya kani ka Pensioners Life Certification Verification Mobile App neibynta kiwa lai Pension kawa da chna da ka NIC, Shillong.
Lyngba kani ka App, kiwa lai Pension ym duk de ki wow wan da ki hi yow lai e ya ki Life Certificate wei yeini ye ki wow leh pyn na yung ki da kani ka App.
Kiwi lai Pension hap ki du wow Download ya kani ka App na Google Play Store næ Apple App Store dep tæ da Register ki ya idæ deiwa jied ya jar jiar ka chnat wa su Pension ki deiwa pyndap ya kiwi de iwa emkaam wei ini waroh da pynsuk wei pynsmat ko yei kaam.
Discussion about this post