Neiliang ka KSU War Jaiñtia Circle, kiwa yahkhmat chnong deilang wa ki dkhot ka VPP Amlarem da lai mih ki yow yaklam paan pynche ynnin ka sngi ha ka yalang wa da pynman ha yung krehkaam u Manager ka Land Port, u T.C. Chacko wa em ha Tamabil, Dawki heiyatoh wa i chah beh chah knieh tiar ki kynthai wa chongdai madan ha ki BSF yong ka Land Port.
Ha ini i ya tuklar ka seiñ deilang ka chonng, neiliang ka Land Port wa ki BSF da hap ki wow pyndem wei da pynuiñ biang ya ki tiar wa ka poisa yong kitai kiwa chongdai wei da rai wow e laad ya kitai ki manbei wow chondai ha i thaw wa da e bor deiwa ya hunlang waroh.
Ha kani ka sngi leh da rai wa kiwon kiwon ki bru samen kiwa thmu wow seiñ dukan næ ki dukan cha wa em chaka, toh u pyntip chwa ki cha ka chnong khnang wow lait na ki kynrum kynram wei khamtam yow lait nei sahkut kari kamjooh yow em i khooid ha tymbud u sarok Tamabil.
Ka seiñ ryngkat ka chnong da kyntu joor ki leh ya ki paidbah wow ya ksohkti lang nadooh kiwa yah Truck, kiwa chong dukan wow ya krehlang yow lait na iwon iwon i eh hadien habood.
Puræ leh: Chah beh chah knieh poisa kiwa chong dai ja, dai cha, dai kwai hajan ka ICP Tamabil
Discussion about this post