Tura: Ka Garo Hills Autonomous District Council (GHADC) ynne da jied ko ya u Chief Executive Member (CEM) yong ka heiwa da jied ya u MDC ka Congress na 12-Nogorpara u Boston Marak iwa mut ka Congress wow yah khmat ya ka Executive Committee.
U Boston da jop u ya u kyrtong CEM ka National People’s Party (NPP) u Sukharam Sangma da 17 vote.
Ha kani ka sngi u Sangma da yoh u ya ka vote yong ki 11 ngut hi-eh ki MDC.
Ya ini i jied da pynman da ka thap vote namo kawa tip leh ka Secret Ballot.
Ya kani ka jied CEM da pynman hadien wa da pyndam ya ka Administrator’s Rule ha ka GHADC ha kini ki bnai wa dadep.
Hei e klam u CEM ha ka yung dorbar u Boston da kyntu u yawaroh wow yakrehlang wow pyllai bait yei rukom krehkaam ka GHADC.
Discussion about this post