Jowai: Ka Supreme Court ka ri India da jied ko wow thung da u Justice A.K. Mittal, Judge, Punjab & Haryana High Court kam u Chief Justice ka Meghalaya High Court.
Ya ini da leh wa neidaw u Chief Justice ka Meghalaya High Court u Justice M. Y. Mir daw chong ngiah noh u.
U Justice A.K. Mittal man u kam u Judge wa da rangbahdooh ka Punjab & Haryana High Court wei da ksoh u yakani ka kyrdan nadooh wa pynku kyrdan ya oo.
Ka Supreme Court da pyntip ko wa hadien wa da dep chong bichaar bha ya kani ka kaam da chem wa u Justice A.K. Mittal man u uwa da biang wow man kam u Chief Justice ka Meghalaya High Court wei da sñiawthooh leh wa hadien ini daw em leh ar ngut ki Chief Justices haka Punjab & Haryana High Court, kawa chakri ya ki ar tylli ki jylla kawa ka High Court wa le wa heh dooh hapoh ka ri wei da em ko 85 ngut ki Judge.
Discussion about this post