Kawa nyngkong dooh wa yoh COVID-19 ha India da chem toh kawa da yoh biang ya uni u khñiang hadien wa Test ya ka chwa wow lai ko cha Delhi tangwa ym em won man ko kawa chitom.
Kani toh kawa jooh lai puræ Doctor ha Wuhan, China kawa da liwan cha India ha u Duyatra (Jan), 2020 kawa na Thrissur, Kerala wei kattæ da chongkset ko ha yung hadien wa chem toh da yoh biang ko ya u khñiang khlam tangwa kiwa hayung yong ka won ym em yoh ki ya uni u khñiang.
“Ini toh iwa da jooh jia wa kiwa da dep yoh ya uni u khñiang da yoh biang ki oo sa chisien,” da ong ka Dr. KJ Reena kawa man kam District Medical Officer ka Thrissur District.
Katkam wa thooh bniah ka Indian Council of Medical Research (ICMR) wa nadooh u Duyatra hadooh u Naichiphaw, 2020 da antaad wa em 4.5% kiwa yoh biang ya uni u khñiang. Katwa ka Institute of Genomics & Interactive Biology (IGIB) da chem ko ha u Wisu uni u snem ha Delhi hawa wan biang ka la-ær wa ar, ye u em hadooh 10% kiwa yoh biang ya u khñiang.
