Shillong: 5 ngut ki wakreh (Officials) ka Meghalaya High Court Registry da yoh ki ya u COVID-19 wei da em ki hapoh i pait ka chnat i chait i khiah.
Katkam ka kyrwoh khubor na u Registrar General ka High Court , da ong wa kini kiwa yoh man ki kiwa khlan kiwa ym em chitom wei da chong kset ki samen samen hapoh ka High Court Guest House wei da pait yaki miet wa sngi.
Chooh chooh da ong wa da dep pynman yaka takit wei da chem wa ym em yachem ki wa kiwon kiwon hapoh lane cha lait ka High Court neidaw i rukom man i kreh ki.
Da ong leh wa ym em man sakhiat ki khubor wa kam wa kiwa yoh COVID-19 da tyngkheiñ ki yaka kyndon wei da Test yaki mar ya poi ki ha Shillong.
Neidaw wa man ka High Court kam ka thaw paidbah wei yow yada yaki wakreh kamjooh ki paidbah, da pynmih hukum wow khang yaka High Court 3 sngi (Monday hadooh Wednesday) yow pynkhooid yaka wei da maham leh ya kitu kiwa pynpoor yaki khubor thok, wa daw pynchitom katkam ka aiñ manda chem yaki.
Neiliang u DHS(MI) ka jylla u Dr. A. War da ong u wa ha High Court da em u Doctor wa pait ya kini kiwa dang yoh wei dang booddien leh ya kiwa ye wow em hei maa. Wei ha waroh ki thaw wa em yei maa da chna yaka Rapid Response Team wow leh ya iwa emkaam.
