Ka jylla Meghalaya da em ko sa kawi kawa yoh COVID-19 ka wakreh ha yung yong uwa yoh nyngkong ya uni u khñiang khlam hapoh jylla.
Ya ini da pyntip da u montri rangbah ka jylla u Conrad Sangma ynne ka sngi deiwa ong kam chibynta wow pyntikna wa ym em uwi lane kawi leh kawa yajan (Primary Contacts) wa yachem wa uwa yoh nyngkong ya u COVID-19, wa ki ym em yoh ki ya uni u khñiang, neiliang ka chnat i chait da phah Test biang ko ya kini kamtæ da chem wa kani ka bru da em ko ya uni u khñiang.
Neiliang u Conrad da pyntip u wa kawa yoh ya uni u khñiang toh kawa ym em ki dak ki chin wa chitom wei man ko kawa chait kawa khlan.
Wa kani, kiwa da yoh COVID-19 ha Meghalaya da em ki 13 ngut heiwa 10 ngut da chait, uwi wa yap wa 2 ngut kiwa dang em ya uni u khñiang namo ki Active Case.
Discussion about this post