Shillong: Uwi na ki pulit ka 3rd MLP, uwa em ha Delhi toh uwa da chah ktah ha u khñiang COVID-19 katkam wa yaklam wa u Commandant ka 3rd MLP Battallion uwa pait ya ki pulit ka jylla Meghalaya ha Delhi, u Ramesh Singh (IPS).
Neiliang uni u heh pulit da ong u wa ya u Kharthangmaw da lai booh hapoh COVID-19 Hospital, toh hadien wa da yoh ya ka Report wa da chah ktah u ha uni u khñiang.
Chooh chooh da ong wa chwa wow rah ya oo cha Hospital leh da pyndep yeiwa emkaam katkam ki kyndon wei neiliang u Medical Officer ka Unit da pait bniah wa ki bor Hospital yei man i long uni u pulit.
U Ramesh Singh da ong u leh wa u Kharthangmaw da Test u ha ka 23 tarik uni u bnai wei ya ka Report da yoh ha ka 28 tarik i janmiet kawa da pynyoo wa da yoh COVID-19 u wei hadien ini da pyntip cha u District Surveillance Officer wow pynkit noh ya oo cha ki thaw sumaar.
Da ong leh wa ka Unit kreh lang ko chirup wa ki District Surveillance Officer wow leh yeiwa emkaam heiyatoh wow thooh ya kiwa yajan namo ka Contact Tracing.
Discussion about this post