Ka jylla Arunachal Pradesh da yoh ko ya uwa ar uwa yoh COVID-19 hadien wa uwa yoh nyngkong da chait u nadooh ka 01-04-20.
Uni uwa dang yoh toh uwa lai puræ ha Delhi wei da liwan u daka Bus cha Arunachal Pradesh uwa da poi nadooh ka 18 tangwa da pyntikna yei yoh u ya u COVID-19 ynne ka sngi katkam wa pyntip u Secretary (Health) Government of Arunachal Pradesh.
Uni uwa dang yoh toh uwa sah ha West Patel Nagar, Delhi wei dang pynkhreh u wow yaleh yaka UPSC Civil Services Examination.
Da liwan u cha Arunachal da ka Bus wa em ya u number UP-17 AT-1352 deilang wa ki 33 ngut.
Uni uwa liwan da lai u na Delhi (deiwa poi ha Gole market), Uttar Pradesh (da sangeh arsien), Bihar (da sangeh chisien), West Bengal (da sangeh chisien), Assam (da sangeh chisien) dep te poi u cha Arunachal.
Manda poi u ha Arunachal da booh ya oo hapoh Quarantine wei da chim ya i Sample u haka 22 tarik yow leh yaka Test.
Uni uwa dang yoh ym em u yaki dak ki chin chitom (Asymptomatic) wei da pait da sumaar ya oo daka chnat i chait i khiah wei dang booddien ya waroh ki bru kiwa da lai luti lang wa oo.
Discussion about this post