U DC ka West Garo Hills District, ynne i janmiet da pyntip u wa da em arngut kiwa yoh COVID-19 kiwa man leh heijooh i por kiwa em chwa hei chitom, da chait ki wei da yoh ki wow mih napoh Tura Civil Hospital.
Da pyntip u leh wa da em sa uwi uwa yoh COVID-19 na Hallidayganj/Sobribari i thaw wa ki bru wa sah ha Meghalaya da psiah tooh ki chapoh ka jylla heiwa uni u bru da lai bait u cha yung kiwa emyatoh wa oo ha Lakhipur haka 30-07-20 khlem lai lyngba ki thaw psiah namo ki Entry Point wa da booh ka sorkar kamjooh leh ym em bood u yaki kyndon wa da booh.
Heiyatoh wa ini, u DC da pyntip u wa da lai chakhmat katkam ka aiñ pyrchah ya uni u bru kamjooh ya kiwa hayung yong oo. Wei da leh yaka booddien namo ka Contact Tracing.
Wa uni, kiwa dang em COVID-19 ha West Garo Hills District da em ki 15 ngut.
