Tura : Kam chibynta wow sikai ya ki paidbah wow pynyait ya i jhep ha pyrdi ki Bio-degradable kam ki jhoor, ki soh wa kiwi kiwi wa ye ka rymaw u baam wa ki Non Bio-Degradable kam ki plastic, ki that wa kiwi ki jhep wym pyut u Noverfield R Marak Parliamentary Secretary, In-charge Urban Affairs da saam u mar ar tylli ki thaw pyllang jhep cha kiwa chong ka Tura ha Akonggre Secondary School.
U Noverfield R Marak hei klam yong oo da ong u wa i pynman ya ka chnong ka thaw wa khooid wa jngiar toh i kaamram yong i waroh neibhah emkaam i u yada ya ka rymaw khamtam ha kini ki sngi wa sdang chit ka pyrthai.
U Silchi R Marak uwa chem phang hei yatoh wa i jhep da ong u wa emkaam u pynyait yei jhep wei toh u sdang ki na ki yung ki sem katwa u Paul Lokho, Community Development Specialist, Consultant to State Investment Programme Management and Implementation Unit (SIPMIU) da e sikai u chaphang ini deiwa leh da ka PowerPoint Presentation.
Kini ki thaw pyllang jhep da saam ar tylli heiwa ha ka rong bneiñ toh wow booh ya ki Non-Bio-degradable katwa ka rong yirngam won toh ya ki jhep Bio-degradable.
Ini toh kam chibynta ka Solid Waste Management Project hapoh ka Swachh Bharat Mission.
Discussion about this post