Ki jaitbru Karbi da yoh ki wow psiah hapoh ka Guinness World Record deiwa chimbynta ki 721 ngut wow pynemkaam da ki dieñ yow lai (Stilt-Walking) ha ka yalang wa da pynman da ka Karbi Anglong Autonomous Council (KAAC) ha u bnai wa dep kam chibynta ka 50th Karbi Youth Festival ha Diphu, Assam.
Kini ki 721 ngut da lai ki da ki dieñ 10 minit khlem sangeh wei da jrong u line ki hadooh 2 Km katkam wa pyntip da ka Guinness World Records heiwa yow yoh ya kani ka Record wa thymme da emkaam du 250 ki bru wow chimbynta.
Kani ka Record wa da yoh ki toh kawa da e pyrtuid “Longest moving line of people walking on stilts”.
Ini i rukom lai wa pynemkaam da ki dieñ man i leh kam ka dustur riti ki Karbi wei da tip yeini kam i Kang Dong Dang iwa da hikai da u warim wajah.
Kiwa chimbynta wa yoh ya kani ka Record wa thymme da sap ki da ki riam tynre wei uwi pa uwi da ye u poi cha i thaw wa da booh yow pynkut yeini i lai kjat.
Ki paidbah wa boon da mih ki wow kyrchaan ya kini wa chimbynta heiwa u Secretary ka KAAC da ong u wa ini pynyoo i yei yatylli ki paidbah wei deiwa ya krehlang daw ye u leh ya iyi iyi.
![](https://i0.wp.com/wyrta.com/wp-content/uploads/2024/02/brkjg1.jpg?resize=960%2C632&ssl=1)
Ya ini ye phi u pait heini: https://www.facebook.com/reel/1084807629306347
Discussion about this post