Ynnin ka sngi ka yung bichaar Meghalaya High Court da rai ko wow e jamin (Interim Bail) ya ki ar ngut heiyatoh wa i jia ha Dienshalalu, East Jaiñtia Hills heiwa ki 6 ngut kiwa khih mylla da dooh ki yei mynsien hadien wa tkut ka Crane wa chong ki ha iwi i thlu tih moo.
Kini ki ar ngut kynthup ki ya u Bison Shylla wa u Tiufill Shadap.
Kam wow pynkynmoo da ujor ya ka FIR ha ka 22-01-2021 ya kawa da Register ha ka Khliehriat PS Case No. 07(01)2021 wei neiliang kini ki ar ngut da kam ki wa ym emkti ki ha iwon iwon heiyatoh wa ini i jia.
Ka yung bichaar da rai ko wow yang ya ki kot ki sla ya kiwa dang pynkhreh heiyatoh wa ini i takit hajrong ini iwa jia.
Kamtæ da rai ko wow e jamin chipor (Interim Bail) ya ki deiwa hukum leh ya ki wymtoh u yut ki namo wow pynwit ya ki sabut lane ya kiwa sakhi wei wow krehlang ki wa ki pulit wa pynman ya ka takit.
Ya ini i kaam daw chong bichaar biang ha ka 17-02-2021.
