Ki 6 ngut ki dkhot ka Bajrang Dal kiwa da chah kem ini wadep hadien wa lai tympra ki yei pynriam Christmas ha ka Magneto Mall wa em ha Raipur, Chhattisgarh, da yoh jamin ki wei da pdiang burom ya ki kam ki dap chynrang (Hero) deiwa pyndeiñ syntu, deiwa rah ya ki ha tympha deilang i kbai i kyriaw wei thang bomkala.
Kini da yoh jamin ki ha ka kani ka tayaaw wa da e da ka Sessions Court.
Mar ya mih ki napoh ka patok wa em ha Raipur, da pdiang sñiawbha ya ki da ki dkhot ka Bajrang Dal kiwa da pyndeiñ syntu deiwa kbai “Raghu Pati Raghav Raja Ram”. Wei kam chibynta wow lehkmen da pynuiñ ya kini ki 6 ngut deiwa rah ki ha tympha.
U Rishi Mishra, State Coordinator ka Bajrang Dal da ong u wa ymtoh iwa sih wow lai paidbah neibhah kani toh ka kaam wa yatoh wa i pynkylla niam wei ymtoh leh iwa sih wow pyrchah yeini wa jia ha Chhattisgarh.
Kini ki 6 ngut hadien wa chah kem ki, da neh ki hapoh patok 5 sngi. Deiwa chrai yeini wa chah kem ki, kamwa 300 ngut ki dhot ka Bajrang Dal da chong ki wow khang ya u sarok wa lai cha Telibandha Police Station heiwa da sahkut ki kari hadooh 9 kynta.
Discussion about this post