Yoh ka Captain Williamson Sangma State University yei tipmit na ka UGC

Ka University Grants Commission (UGC) da e ko yei tipmit ya ka Captain Williamson Sangma State University yow man ko ka skurbah wa nyngkong wow pynlai da ka sorkar jylla hi ha Meghalaya.

Neiliang ka sorkar jylla dadep ko leh wow thung ya ka Dr. Vasanthi Vijayakumar kam ka Vice Chancellor kani ka Captain Williamson Sangma State University, deiwa su ya ka Rs. 2,10,000 chi bnai deilang ka Special Allowance kawa Rs. 5000 chi bnai.

Ka chithi na ka UGC cha u Registrar kani ka State University da ong wa da em i pyrtuid kani ka skurbah hapoh ka UGC katkam ka Section 2 (f) ka aiñ UGC Act.

Da ini, da e bor leh wow e ya ki Degree hapoh Section 22 ka UGC Act, 1956 yow sdang yei sikai ha ki Department waphær waphær deilang ki College wow pynyabi wa kani ka University.

Related posts

Maham ka KSU ya ki wym e laad ya kiwa pyrchah ya ka Shree Cement manda pynman biang ya ka Public Hearing

July 21, 2026

Da sdang ya ka Meghalaya Lakadong Turmeric Integrated Development Mission wa Rs. 175 klur | Daw yoh myntoi ki 17,500 tylli ki manyung

July 21, 2026

Lada e sikai da kiwa man kam ki Professional, Technical wa Medical Course, daw hap ki wow yoh bor chwa da ki Regulatory Councils/Commissions kiwa pait ya kini ki Course.

Kani ka University u e ko ki Degree kiwa da kdaw da ka UGC donhi.    

Neiliang u Montri Rangbah ka jylla, u Conrad Sangma hawa pynbna leh yeini, da ong u wa kattu ki College wa em hapoh Meghalaya ye ki wow lai paan yow tipmit noh da kani ka State University yow lait ki wow hap yaleh CUET ha ki por wow wan.