Yoh ka CBI wow pynlait ya ki khonboo wa thmu wow chah dai

Ka CBI da yoh ko wow chemdien ya kiwa dai khonboo wa i rukom kreh ki ha Dehli wa ha kiwi ki bynta ka ri hadien wa lai kynreh ha ki 7 tylli ki thaw wei da yoh leh wow kem ya 7 ngut ki bru.

Da yoh leh wow pynlait ya ki khonboo kiwa ar ngut ki chynrang iwi wa dang kha chi sngi donhi wa iwi won 15 sngi katwa i khonboo kynthai won toh iwa dang 4 tayaaw.

I lai kynreh da pynman leh ha Gorakhpur, UP wa ha Punjab wei da chem wa emkit lang nadooh kiwa kreh ha Hospital wei kiwa chah kem kynthup ki nadooh ki heh wa kynthup ya u Neeraj uwa na Sonipat uwa na Haryana wa u Indu Pawar uwa na Paschim Vihar, Delhi.

Da kem leh ya kawi ka kynthai wa tip kam ka Anjali kawa na Malviya Nagar kawa thooh ya ki bru wa kwah u thied khonboo neitæ kiwi ki kynthai wa chah kem toh kawa tip kam ka Pooja Kashyap, ka Ritu waka Kavita kiwa pait wa sumaar ya kini ki khonboo kat wym pu ye u dai ki.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Kini ki khonboo kiwa yoh u pynlait toh kiwa da wanrah na Jaipur deiwa thied ki pyn na ki bei ki pa wei em leh ki kynthai wa punkhon deiwa su wei dei thmu leh wow dai hei dor wa Rs. 4 lak hadooh Rs. 6 lak.

Kini ki bru won da booh Advertisement ki ha ki rynsan Social Media yow chem ya kitu ki wym em khon deiwa dai ya kini ki khonboo cha ki wei pynkhreh ki leh ya ki kot ki sla wa chna thok wow pynyoo wa kini ki khonboo da chim wow ri katkam ka aiñ.