Ynne ka sngi ha ka yalang pynkut ya ka Meghalaya Environment Week 2022 ha U So So Tham Auditorium, Shillong ka chnong Moolammylliang da chah jied ko wow yoh yaka khusnaam “Best Natural Resources Management Village” namo ka chnong kawa biang dooh wa pait, wa sumaar yeiwa em hapoh ka East Jaiñtia Hills District.
Neiliang u Apmon Pachiang, Waheh Chnong da ong u wa ka chnong da ye ko wow pynman khloo biang ya kawi na ki thaw wa da tip kam ka “Kwai” kawa da syllen bha hadien wa tih khiar ya u mooyong.
Da pyntip u wa nadooh u snem 2008 da sumaar biang ya kani ka thaw wei da ki hajar tylli ki tre dieñ da heh da san ki kamwa man katni.
Ym du ini, ka chnong da dep ko leh wow thung boon ki jait dieñ hapoh ka chnong ka thaw kawa da sdang nadooh ka 18-04-2014.
Da pyntip leh wa ym du i thung dieñ, da ye leh wow leh chiboon ki kaam kiwa yatoh waka NRM.
