Kam chibynta i pynkut ya ka Swachhta Hi Seva, 2022, Swachh Bharat Diwas ha East Jaiñtia Hills District, Khliehriat da ka District Swachh Bharat Mission (G), da lehwarom ha Khliehriat West Community Hall hajrong ka phang “Visual Cleanliness of Villages”, wow pynchlur yei chimbynta ki paidbah nadooh ki chnong ha i khooid i jngiar.
U Seven Dar Dkhar, Assistant Professor & HOD of Commerce Department and Programme Officer NSS Unit, St. Anthony’s College Extension, Byndihati da man u kam u kongsan hei emlang u W. Buam, District Coordinator, Swachh Bharat Mission(G) wa ka Tracy Dkhar, IEC Coordinator, Jal Jeevan Mission(JJM), East Jaiñtia Hills District.
U Seven Dar Dkhar hawa e yei klam da yaroh u ya ka District Swachh Bharat Mission wa da pynsñiawthooh ko ya ki paidbah hajrong i khooid i jngiar heiwa da pynkynmoo u wa ya ka Swachh Bharat Abhiyan da sdang da u Montri Rangbahdooh ka ri wow pynman ya ka India kawa khooid.
Da ong u wa emkaam bha wow pynman ya ki talawiar yong i kiwa khooid wei emkaam wow kreh chirup khnang wow ye u pynman yeitæ.
Neiliang u W. Buam da batai u hajrong i lehwarom ya ka Swachh Bharat Diwas wei kam chibynta ini da pynman ya kiwa boon ki kaam wow pynchlur ya ki chnong ki thaw wow kreh lang ki, da pynman leh ya ka “Jan Andolan” neibynta ka Open Defecation Free (ODF) Plus yow chna paikhana, i pynche hajrong ka “Sampoorn Swachh”, i kaamram yong waroh wow pynman ya ka chnong ka thaw kawa khooid. Da pynman leh ya ki pynsñiawthooh hajrong i khooid i jngiar ha ki chnong waphær waphær ka District wow pynkhlaad ya ki jhep, wow sangeh u pynemkaam ya ki Plastic wa ki yalang wow rai wow sangeh pynemkaam ya ki Plastic.
Kiwi kiwa da klam kynthup ki ya ka Tracy Dkhar, IEC Coordinator Jal Jeevan Mission, ka Ibanylla Lyngdoh, IEC Consultant, Swachh Bharat Mission (G), u K. Kharphuli, Assistant District Coordinator, Swachh Bharat Mission (G).
Da e kti leh ya ka Swachata Champion Award 2022 cha u Kmen Dkhar, u waheh chnong ka Sohkymphor wa u Shimphang Lyngdoh, Secretary ka Village Water Sanitation Committee, Lumputhoi hajrong ki kaam yong ki wa yatoh wa ka Swachh Bharat Mission Gramin yow pynchlur wow man ki chnong ki thaw kiwa lehkhooid.
Heijooh i por da saam leh ya ki khusnaam cha kiwa jop ha ka Slogan Writing wa Poster Competition wa da pynman ha ka 26 tarik uni u bnai kam chibynta yong ka Swachhta Hi Seva 2022 wa da chimbynta da ki khynnah skur ka District.
