Ka 4 tarik uni u bnai man ko ka sngi wow sah kynmoo ya ka ki paidbah ka chnong Umphrup kawa haap hapoh ka Mawryngkneng C&RD Block neibhah wa da yoh u wai ya ki ar tylli ki kaam wa da kreh da kiwa em Job Card kitæ ka Natural Resource Management Project wa ka All Faith Crematorium namo ka khnap thang bru wow pynemkaam da waroh ki niam ya kawa da chna hapoh ka MGNREGA Scheme.
Ka VEC Pdengshnong Umphrup chirup wa ki 152 ngut kiwa ksoh ya ka Job Card da chna ki ya ka Water Harvesting Structure ha ki ar tylli ki thaw wow yada ya ki thaw em um hapoh ka chnong.
Ya kini ki thaw da chna ha i lut iwa T. 6,09,000 deiwa wanrah leh yei pynmiat ya i thaw katkam wa man wa long ka chnong.
Ka All Faith Crematorium wa nyngkong dooh wa da chna da ka Pynshongkhla VEC da chna ya ka hei lut iwa T.6,57,720 neibynta ki paidbah ka chnong Umphrup kiwa wan na ki niam waphær waphær.
I thmu wow chna ya kani ka khnap thang bru toh wow wyrtia yei pynemkaam ya i thaw wei wow wanrah yei yatylli hapyrdi ki paidbah na ki niam waphær waphær.
Ya kini ki thaw da wan wai da ka Isawanda Laloo, DC, East Khasi Hills District hei emlang u Block Development Officer, u R. Wahlang, u Dr. Balajied Syiem, Syiem ka Hima Khyrim, ki rangbah shnong wa kiwi kiwi.
