Ka Dorbar ka Chnong Bakur kawa da pynman haka 8 tarik uni u bnai da jied wa kitkaam thymme ko deiwa wan da ki spah ngut kiwa chong chnong nadooh ki kynthai, ki chynrang wa ki waheh yow ya chimbynta wow ap wei wow yatai yania ya ki phang ka chnong kamjooh wow ya phyllu yumut hajrong ki bui (Report) waphær waphær yong ka chnong.
Neidaw wym ye u pynlai bait ya ka dorbar pyllun da ka EC warim hajrong i yukheiñ wa ki kaam (Agenda), u Dolloi ka Elaka Nongtalang wa ka Dorbar da chim ki ya ka rai wow thung noh da ka EC wa thymme wei wow thung da u Acting Waheh Chnong yow pynlai ya ki kaam yong ka chnong neibynta 6 bnai.
Hajrong ini i bynta da wan mih ki le ngut ki waheh wow e reiñ ya kani ka chuki Acting Waheh Chnong heiwa u Daniel Khongsit (Waheh Chong warim) da yieñ biang u wow yaleh deilang wa ki arngut kiwi kitæ u Wesper Lamin wa u D. Donstand Khonglah.
Hadien wa dep u niaw ki Vote deiwa ya rah kti, da jop u Wesper Lamin kam u Acting Waheh Chnong.
Ka Dorbar da jied ko leh ya u Alphonsius Khonglah wow man kam u General Secretary wa u Luckystar Mannar kam u Treasurer.
Puræ leh: Dawa kiwa chong chnong ka Bakur wow pynman dorbar jied waheh chnong
