Ka e-Proposal System wa wanrah da ka Planning Department ka jylla kam chibynta ka Meghalaya Enterprise Architecture (MeghEA) da yoh ko ya ka khusnaam UN Award haka World Summit on the Information Society Forum (WSIS) Prizes 2022.
Ha kani ka juk Digital Era, da emkaam bha ya ka stat IT wow pynkylla ko yei chakri paidbah deiwa kynthup lang ya waroh ka imlang sahlang. Hajrong ini, neiliang u Montri Rangbah ka jylla, u Conrad K Sangma ha u 2019 da sdang u ya ka MeghEA, kawa da pynkrehkaam da ka Planning Department ka jylla Meghalaya.
Ka Meghalaya da chah jied ko na ki 360 tylli ki Project na kylleiñ ka pyrthai hawa sdang uni u snem. Na kini, ka UN da jied ko ya ki Top 5 ha ki 18 ki jait kaam wei da e cha ki ya ka khusnaam Champion Project. Ka Meghalaya da chah jied ko ynne da ka UN kam ka Champion Project hapoh ka kyrdan-“The role of governments and all stakeholders in the promotion of ICTs for development” deilang wa ki Project na Australia, China, Argentina wa Tanzania. Kawi na kini ki Top 5 daw cha jied ki kam ka Winning Project.
Ka Meghalaya e-Proposal System da em ko hei wow jop ya kani ka khusnaam, heiwa ya ka yalang wow saam ya kani ka khusnaam daw pynman ha ka 31-05-22 ha Geneva, Switzerland.
Puræ leh: Sdang u Conrad ya ka e-Proposal System yow pynsmat ya ki kaam sorkar
