Ka East Jaintia Taxi Owners & Driver’s Association da pynman ko ya ka yalang ynnin ka 27 tarik heipor 1:30 i sngi ha madan Teilang, Dkhiah West yow pynskem ya kiwa krehkaam wa pura yong ka Association.
Ha kani ka yalang, kiwa yah kari waroh da ya wan ryntih ki chirup wa kiwa krehkaam yong ka All Jaintia Tourist & Commercial Vehicle Association. Hachwa wow pynskem ya kiwa krehkaam da em ka yalang wa tbian, heiwa da jied thymme wei wa da thung leh ya ki kattu katni tylli ki kaam wa thylli kiwa emkaam wow jied thymme.
Kiwa krehkaam wa pura yong ka East Jaintia Taxi Owners & Driver’s Association man ki kamni ha wah:
President: U Tiplang Rymbai
Vice President: U Edrick Pasleiñ
General Secretary: U Hameki Salahe
Assistant Secretary: U Ekirot Bang
Treasurer: U Hepli Lamin
Advisor: U Paila Kordor Lyngkot
Ki Executive Member:
- U Tyrshain Dkhar
- U Wanri Langstang
- U Banlamki Lyngdoh
- U Friday Lyngdoh
- U Pynshngain Nongtdu
- U Careus Nongtdu
- U Ialambha Rajee
- U Teideimonmi Sana
- U Kitdorlang Bareh
- U Kol Dkhar
- U Phain Sana
- U Evening Shadap
- U Hermon Tlang
- U Deimon Swer
- U Tellme Bareh
- U Mehi Shadap
- U Klet Phawa
- U Basian Dkhar
- U Ephrin Chyrmang
- U Ras Dkhar
- U Timon Bareh
Ya kini kiwa krehkaam thymme yong ka Association da pynskem da u Paila Kordor Lyngkot uwa man u kongsan ha kani ka sngi, uwa man leh u President ka All Jaintia Tourist & Commercial Vehicle Association (Central Body) wa heijooh i por uwa man kam u Advisor yong ka East Jaintia Taxi Owners & Driver’s Association.
Hawa e yei klam kam u kongsan, u Paila Kordor Lyngkot da e mynsien u ya ka Association wow man ki kiwa burom ya i kaam yong ki, wei emkaam leh wow man kiwa yatylli yow ye u e yei chakri wa rap bha ya kiwa lai wa wan.
Da yoh leh ya ki kyntien sneiñ na u President u Tiplang Rymbai uwa da kyrpaad wow ya krehlang kiwa yah kari khnang wow ye u pynlai ya ki kaam yong ka Association. U Hameki Salahe, General Secretary hawa klam ha kani ka sngi da kyntu u ya kiwa para wa yah kari wym hoi wow dih biri, sikret hapoh kari heipor wa kamai deiwa ong leh wa hawa em hapoh kari emkaam wow bood ya ki kyndon yong ka sorkar heiyatoh wa i kaam kamai kari khnang yow lait na i chah ujor ha ki paidbah wa lai wa wan.
Da pyntip u leh wa lada em kiwon kiwon kiwa yah kari kiwa leh tam, lane leh khlem akor ya kiwa lai wa wan, ka Association daw pynchitom ko ki katkam ki kyndon yong ka Association. Kamtæ da kyrpaad leh yei ya krehlang yong ki paidbah deiwa sñiawbha ki u pyntip cha kiwa krehkaam yong ka Association lada em kiwon kiwon kiwa chim kabu.
