Yoh ka Elaka Sutnga yaka yung krehkaam waka Dorbar Hall wa thymme

Ka Elaka Sutnga ynnin ka sngi da yoh ko wow wai yaka yung krehkaam deilang waka Dorbar Hall wa thymme deiwa emlang u Vincent. H. Pala, MP, u Kyrmen Shylla, Montri sorkar, ka MLA ka thaaiñ, ka Santa Mary Shylla, u MDC ka thaaiñ, u Richard Sing Lyngdoh, u Seiborlang Shadap, MDC neitæ ki dkhot Commiitte yong ka Elaka, ki waheh chnong, ki dkhot Committee yong ki chnong, ki bru waheh wasian chynrang wa kynthai deilang wa ki khon khynroo khyllood ka Elaka Sutnga.

Da sdang yaka yalang da ki ktien pdiang sñiawbha na u u Acting Dolloi, u Bankupar Sutnga, i duwai na u Rev. R.K. Sutnga uwa man kam u Moderator ka Sutnga Presbytery.

Ya u mot sahkynmoo yong ka yung da wai da u Vincent H Pala wei da pynbood yei ah Ribbon yaka yung da u Kyrmen Shylla.

Yei parom wa tbian ka Elaka Sutnga da puræ da u Kmenlok Pala uwa man leh kam u Secretary warim ka Elaka Sutnga.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka Santa Mary Shylla hawa e yei klam da yaroh ko ya kiwa kitkaam yong ka Elaka Sutnga wa da ye ki wow chna ya kani ka yung khlem da kyruiñ cha ka sorkar yow paan yarap, tangwa da sai dei bor yong u paidbah wow chna ya kani.

U Kyrmen Shylla da e u yei kyrkhu kyrdoh ya ki paaid yong ka Elaka wow nang roi nang paar ki ha waroh ki liang wei kamjooh yaka Elaka yow jop ko ha kiwa boon ki kaam.

Neiliang won u Vincent H Pala da pynkynmoo wa ka Elaka Sutnga toh kawi na ki Elaka warim tam hapoh u pood u ang ka Bri Ynñiawtrep, kamtæ kam ka Elaka toh u ya krehlang ha iwon iwon i eh. Chooh chooh da pynrap u deiwa ong wym toh u pynemkaam bakla ya ki khloo Elaka kiwa da pynheh pynsan da u warim wajah wei kamwa da booh da ki longchwa manchwa ya u duk u suk, u paaid u raiot, wei wym toh u man ki bru kiwa kwah myntoi du ya idæ tangwa toh u yarap lang hawa chem ka chitom ka lanot, neibhah ka yatylli man ko i bor.

Ha ini i wai ya kani yung dorbar da yoh yei e sñiawbha kamwa 200 tylli ki chuki da ka Khulu Malang & Phor Bamon Posterity Society cha ka yung dorbar ka Elaka Sutnga wei ha ini i e yong ki da man ko iwa pynmyntoi wa khroo yaka Elaka.

Da pynwai yaka yalang da ki ktien e khublei na u Victor Bamon, Waheh Chnong ka Tluh wei da pynbood dei duwai na u Tymmen Wasan, u E. Sutnga.