Ka sorkar India ynne ka sngi da thung ko ya u Lt. General Anil Chauhan (Retired) PVSM, UYSM, AVSM, SM, VSM kam u Chief of Defence Staff (CDS) u wow man kam u Secretary ka sorkar India ka chnat Department of Military Affairs heiwa kani ka kyrdan man ko kawa khlieh dooh ki le chnat ki chipai ka ri (Army, Navy wa Air Force).
U Lt. Gen Anil Chauhan da kreh u kam u chipai (Army) la 40 snem wei da man u uwa da chemphang ha kiwa boon ki kaam khamtam heiyatoh wa ka Jammu & Kashmir wa ka thaaiñ mihsngi ka ri.
Ya u Lt. Gen Chauhan da kha ha ka 18 Naisan 1961 wei da psiah kaam chipai u ha ka 11 Gorkha Rifles yong ka Indian Army ha u snem 1981.
Da pyndep u yei puræ yong o na National Defence Academy, Khadakwasla wa na Indian Military Academy, Dehradun. Kam u Maj General, da khlieh uya ka Infantry Division ha Baramula Sector ka Northern Command wei kam u Lt. General won da khlieh u ya ka Corps ha ka thaaiñ mihsngi (North East) chwa wow man won u kam u General Officer Commanding-in-Chief ka Eastern Command nadooh u Naikhynde 2019 hadooh wa chong-ngiah u ha u Naisan 2021.
