Yoh ka India yaka luti rel wa nyngkong dooh wa lai napoh ka wah

U Prime Minister ka ri, u Narendra Modi ynne da wai wei da lai chong u leh hapoh ka rel wa lai napoh ka wah kam chibynta ka Kolkata Metro kawa man leh kawa nyngkong ka luti rel wa lai napoh um hapoh ka ri.

Kani ka luti rel toh kawa haap hei bynta ka Howrah Maidan-Esplanade ka Kolkata Metro East-West Corridor kawa da ye wow pynlai napoh ka wah Hooghly.

Ka Howrah Metro Station da man ko leh kawa yillu dooh wa em chapoh khyndaw hapoh ka ri.

Hanla ya kani ka luti rel wa da wai ynne, ki paidbah daw yoh ki wow pynemkaam ha kini ki sngi wow wan.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Kani ka luti rel daw pynyabi ko yaka Kolkata wa Howrah wei 520 Meter toh kawa lai napoh ka wah Hooghly iwa chimpor 45 Second donhi.

Kani ka luti rel wa dang wai toh kawa jrong 16.6 Km wei kamwa 10.8 Km toh kawa lai napoh khyndaw heiwa 520 Meter toh kawa lai napoh ka wah Hooghly.

Kani ka luti rel toh kawa sangeh ha 6 tylli ki Station heiwa 3 tylli toh kiwa em chapoh khyndaw.

Yow chna yeini waroh, ka sorkar da pynlut ko Rs. 4,965 klur.